Цагдаагийн алба хаагчдын давтан болон мэргэшүүлэх сургалтыг зохион байгуулах үндсэн чиг үүрэгтэй Сургалт дадлагын төв нь 2014 оны 02-р сард байгуулагдснаас хойш ЦЕГ-ын даргын 2014 оны 104 л тушаалаар батлагдсан  сургалтын нэгдсэн төлөвлөгөөний дагуу алба хаагчдын мэдлэг ур чадварыг дээшлүүлэх, мэргэшүүлэх чиглэлээр нийт 343 сэдвээр  1252 цагийн сургалтыг зохион байгуулж, давхардсан тоогоор 6677 алба хаагчийг сургалтанд хамруулжээ. 

ЦЕГ-ын Сургалт дадлагын төв энэ оны 10-р сараас эхлэн  хуучнаар Дотоодын цэргийн 05-р ангийн байранд нүүж очиж, алба хаагчдад сургалт явуулах тохилог үйл ажиллагааг хангахаар ажиллаж байна. Шинэ байрныхаа тохижилт засвар үйлчилгээг тус төвийн алба хаагчид болон бусад цагдаагийн газар хэлтсийн алба хаагч нартайгаа хамтран дотоод нөөц бололцоогоо дайчлан хийж байгаа юм. Сургалт дадлагын төвийн тохь тухтай, орчин үеийн тохилог үйлчилгээг үзүүлж, чанартай сургалт явуулах зорилго тавин ажиллаж байгаа алба хаагч нартаа ажлын амжилт хүсье