ЦЕГ-ын сургалт дадлагын төвийн хээрийн сургалтын хэсгээс мэдээлж байна 

Цагдаагийн албаны тухай хууль, цагдаагийн албаны тухай хуулийг дагаж мөрдөх журмын тухай хууль шинээр батлагдаж, цагдаагийн байгууллагын тогтолцоо, бүтэц чиг үүрэг болон  зохион байгуулалтад  бодлого, үзэл баримтлалын шинжтэй томоохон шинэчлэлт, өөрчлөлтүүдийн хүрээнд ЦЕГ-ын Сургалт дадлагын төв байгуулагдан үр дүнтэй ажиллаж байна.  

Тус төвийн Нарстайн аманд байрлах ЦЕГ-ын сургалт дадлагын төвийн хээрийн сургалтын хэсэгт цагдаагийн албаны сонгон шалгаруулалтанд тэнцсэн 70 гаруй алба хаагчдын хээрийн сургалтын хичээлийн нээлт боллоо.

Энэхүү үйл ажиллагаанд ЦЕГ-ын дэд дарга, дэд комиссар Д.Эрдэнэ баатар, Сургалт дадлагын төвийн дарга цагдаагийн хурандаа С.Отгонбаатар болон бусад албаны хүмүүс оролцож баяр хүргэлээ. Алба хаагчид 21 хоног сургалтанд хамрагдаж, танхимаар хичээллэж, тусгай хөтөлбөрийн дагуу бэлтгэл сургууль хийх юмаа. Хичээлийн тохилог байр, хээрийн сургуулилтын зориулалтын талбай, мэргэжлийн багш нараар бүрэн хангагдаж ажиллаж байгаа тус хэсэг 2014-04-р сард байгуулагдснаасаа хойш нийтдээ 2000 гаруй алба хаагчдыг  сургалтанд хамруулаад байгаа юм.