• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Өнөөдрийн сэдэв: Алдсан хүн арван тамтай

2014-10-19

Үнэн үг шүү. Бид нийтийн тээврийн хэрэгслээр зорчих, олон нийтийн хөл хөдөлгөөн ихтэй зах, худалдааны төвөөр явахдаа хичээгээд хичээгээд л эд зүйлсээ халаасны хулгайчид алдчих тохиолдол буурахгүй байна. Энэ төрлийн гэмт хэрэг хийсэн этгээдүүд бүлэглэн бие биедээ дамжуулах, бусдын анхаарлыг сарниулах улмаар танхайрч дээрэмдэх тохиолдол ч бас цөөнгүй гарсаар л...Нийслэлийн цагдаагийн газрын хулгайн гэмт хэрэгтэй тэмцэх хэлтсийн алба хаагч нар энэ төрлийн гэмт хэрэг үйлддэг хэд хэдэн этгээдүүдийг илрүүлэн шалгаж байна. 

Нийтийн тээврийн хэрэгслээр зорчиж байхдаа иргэд их хэмжээний мөнгө биедээ авч явж байгаа ч анхаарал сонор сэрэмжгүй байдлаасаа болоод нөгөө алдсан хүний арван тамыг эдлэх нь гачлантай. Миний иргэний үнэмлэх, сургалтын төлбөр тушаасан баримт, жолооны үнэмлэх 200,0 төгрөг маань байсан. Бараг л энүүхэнд байсан та аваагүй биз байцаагчаа гэх нь холгүй халаглан өргөдөл гомдол бичиж суух иргэд өдрөөс өдөрт нэмэгдсээр байна. Автобусанд ороод харвал "ХАЛААСНЫ ХУЛГАЙЧААС БОЛГООМЖИЛ" гэсэн бичгийг анзаарч ер хардаггүй бололтой. Өндөр үнэтэй гар утсаа хулгайчид алдах тохиолдол буурахгүй байна гэж албаны хүн ярьж байна. Өдөр тутмын гол хэрэглээ болсон гар утсаа хэрэглэхээ мэдэж байгаа шигээ халаасны хулгайчаас хамгаалах тухай ч бас бодолтой явахгүй бол алдсан хүн арван тамтай гэгч болох юм.