• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

С.Батсайхан: Шөнийн эргүүл хийж эхэлснээс модны хулгайн хэрэг багассан

2014-09-09
С.Батсайхан: Шөнийн эргүүл хийж эхэлснээс модны хулгайн хэрэг багассан

Төв аймгийн Баянчандмань сум баруун чиглэлд олон аймаг сумд руу явахад дайран өнгөрдөг гол замуудын уулзвар нутаг дэвсгэр. Тиймээс Баянчандмань  суманд малын хулгай, модны хулгайн хэрэг байнга шахуу гарч байдаг  байна. Гэхдээ модны хулгайн хэрэг Баянчандмань суманд гардаггүй. Сэлэнгэ аймгаас хууль бус хулгайн мод тээвэрлэж, Баянчандмань сумын постоор гарахдаа баригддаг юм байна. Энэ талаар Баянчандмань сумын хэсгийн төлөөлөгч ахмад С.Батсайханаас тодруулахад “Иргэд гарал үүслийн бичиггүй модыг Сэлэнгэ аймгаас тээвэрлэж ирдэг.

Гарал үүслийн бичигтэй байсан ч гарал үүслийн бичгээ үзүүлдэггүй. Хулгайн замаар тээвэрлэх хэрэг их гардаг. Баянчандмань сумын цагдаагийн хэлтсээс модны хулгайн хэрэгт анхны хойшлуулашгүй ажиллагааг хийдэг. Улмаар хохирлын хэмжээгээр нь тооцож шийддэг. Шаардлагатай тохиолдолд мөрдөн байцаах албанд шилжүүлэн шийддэг. Ер нь шөнийн эргүүл хийж эхэлснээс хойш модны хулгайн хэрэг багассан. Харин малын хулгайн хэрэг малчид малаа дурандаж хариулж байгаагаас болж их гардаг. Малаа өглөө бэлчээрт гаргаад орхидог. Малаа алдлаа гэхэд эхний өдөр өөрсдөө хайж байгаад маргааш нь цагдаад мэдэгддэг. Энэ нь хугацаа алдаж, гэмт хэргийн илрүүлэлтэд сөргөөр нөлөөлдөг” гэлээ.

Эх сурвалж: /24tsag.mn/