• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

2020 оны эхний 02 сарын гэмт хэрэг, зөрчил байдлын талаар мэдээлэл хийлээ

2020-03-04
2020 оны эхний 02 сарын гэмт хэрэг, зөрчил байдлын талаар мэдээлэл хийлээ

Гэрэл зургийг Mpa.mn

Цагдаагийн ерөнхий газрын Хэвлэл мэдээллийн төвөөс 2020 оны эхний 02 сард бүртгэгдсэн гэмт хэрэг, зөрчлийн статистик мэдээлэл, нийслэл хотын баруун, зүүн, урд, хойд чиглэлийн замын хөдөлгөөнийг хаасантай холбоотой гарч буй зөрчил болон бусад цаг үеийн асуудлаар иргэд, олон нийтэд мэдээлэл хүргэх зорилго бүхий хэвлэлийн хурлыг 2020 оны 03 дугаар сарын 04-ний өдрийн 10.00 цагт Нийслэлийн цагдаагийн удирдах газрын 108 тоотод зохион байгууллаа.

Энэхүү хэвлэлийн хуралд Мэдээлэл, дүн шинжилгээ, шуурхай удирдлагын албаны дарга, цагдаагийн хурандаа О.Зоригт, Тээврийн цагдаагийн албаны Урьдчилан сэргийлэх хэлтсийн дарга, цагдаагийн хошууч Э.Энхболд нар оролцон сэтгүүлчдэд мэдээлэл өглөө.

Цагдаагийн байгууллагад 2020 оны эхний 2 сарын байдлаар 6745 гэмт хэрэг бүртгэгдсэн нь өмнөх оны мөн үеийнхээс 691 хэрэг буюу 9.3 хувиар, нийт 383.226 зөрчил бүртгэгдсэн нь өмнөх оны мөн үеийхээс 25.1 хувиар, үүнээс 381.391 зөрчлийг шалгаж, шийдвэрлэсэн нь өмнөх оны мөн үеийнхээс 77.249 буюу 25.4 хувиар өсч, зөрчил гаргасан 347.163 иргэн, 28.755 хуулийн этгээдэд 9.7 тэрбум төгрөгөөр торгох, 2173 хүнд баривчлах, 3300 хүнийг торгож, тээврийн хэрэгсэл жолоодох эрх хасах шийтгэл оногдуулсан ба 17430 хүн эрүүлжүүлэгдсэн нь өмнөх оны мөн үеийнхээс 11.9 хувиар тус тус буурчээ.

XVII жарны “Хотол төгс” хэмээх төмөр хулгана жилийн сар шинийн өдрүүдэд буюу 2020.02.23-наас мөн сарын 27-ны өдрийг хүртэлх хугацаанд цагдаагийн байгууллага гэмт хэргийн шинжтэй 186, зөрчлийн шинжтэй 5649, нийт 5835 гомдол, мэдээлэл хүлээн авч шалгалаа.

 Баяр, амралтын өдрүүдэд хүнийг алах 4, хүний эрүүл мэндэд хохирол учруулах 32, хүчиндэх 5, хулгайлах 53, дээрэмдэх 2, залилах 1, замын хөдөлгөөний аюулгүй байдлын эсрэг 14 гэмт хэрэг бүртгэгдэж, золгүй байдлаар улсын хэмжээнд нийт 16 хүн нас баржээ.

Дэлхийн олон оронд хурдацтай тархаж буй шинэ төрлийн короновирус /COVID-19/-ийн халдвараас урьдчилан сэргийлэх зорилгоор Монгол Улсын Ерөнхийлөгч, Засгийн газар, Улсын онцгой комиссоос гаргасан шийдвэр хэрэгжиж эхэлснээс хойших хугацаанд буюу 2020 оны 02 дугаар сарын сүүлийн 15 хоногт хүлээн авсан гэмт хэрэг, зөрчлийн талаарх дуудлага, мэдээллийн тоо өнгөрсөн оны мөн үеийнхээс 9.4 хувиар буурсан статистик үзүүлэлт гарсан байна.