• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Сэтгэлийн толбо

2019-10-11
Сэтгэлийн толбо

 

Чин сэтгээлээсээ инээж, үргэлж аз жаргалтай байдаг байсан нэг жаахан охинд юу тохиолдсоныг хэн ч тааж, мэдсэнгүй. Байрных нь гадаа таарсан эрэгтэй найз нь цоглог, сэргэлэн, хөөрхөн найзыгаа хараад миний найз хичээлдээ очихгүй юм уу, ангийнхан чамайг асууж байсан, яагаад юу ч дуугарахгүй байгаан, намайг танихгүй байгаа юм уу, бүр сүүлдээ чи мангар болчихсон юм уу гэхэд охин ганцхан л өгүүлбэр хэлэв. Би хэнийг ч харахыг хүсэхгүй байна...

Нүдэндээ галтай, нүүрэндээ мишээл тодруулан алхдаг байсан охин. Сэтгэлийн гүн дарамтанд орсон нь өнөөх гал, цогтой нүднээс нь илт байлаа. Би гэж хүн хэрэгт их дуртай юм болохоор асууж орхив. 

Бяцхан охин ярьж гарлаа. “Ээж ажилдаа, дүү цэцэрлэгтээ явчихсан байсан. Би хичээлээсээ ирэхэд аав ажлаа тараад гэртээ ирчихсэн байсан юм. Аав зурагт үзээд буйдан дээр хэвтэж байсан. Би хичээлээсээ ирсэн болохоор сургуулийнхаа хувцасыг сольж байсан юм. Тэр үед аав намайг хажуудаа суулгаад миний охины хичээл сайн байгаа юу? Багшдаа ангийн фондны мөнгөө өгсөн үү? Хичээлүүд нь хэр байна, удахгүй амрах уу? Шалгалтууд нь дуусч байна уу гэж надаас өмнө нь бараг л асууж байгаагүй асуултуудаа асуусан юм. Би хариулсаар л байсан. Аав намайг эртхэн унт миний охин ядарч байгаа биздээ, ээж нь дүүг нь аваад ирнэ. Ирээд хоолоо хийх байх хоёулаа эртхэн амарч байя, наашаа хэвт хэвт гэхээр нь би ихэд гайхсан. Үүнээс цааш би ярьмааргүй байна” гээд том алаг нүднээсээ нулимс мэлмэрүүлээд л байлаа.

Тиймээ тэр охин хүчирхийлүүлсэн байлаа. Бүр төрсөн эцэгтээ!!! Дөнгөж долоодугаар ангийн арван хоёрхон настай хүүхэд. Түүнд өөртөө, бусдад, ирээдүйд итгэх итгэл алга. Үгүй ээ, яаж байхав дээ...

Яагаад өөрийн охиноо хайрласангүй вэ? Ийм сэтгэхүйтэй хүн бусдын хүүхдийг хайрлах уу, хүндлэх үү? Хариуцлага хаана байна? Хүүхдийнхээ ирээдүйг яагаад баллав? Цаашид ийм үйлдэл гаргасаар байх уу?

Хөөрхөн охиноо 12 жил эцгийн хайраар хайрласан аавыг нь тийм үйлдэл гаргана гэж хэн санах билээ. Амьдралд нь хэзээ ч мартагдахааргүй толбыг төрсөн эцэг нь үүсгэчихнэ гэж хэн мэдэх вэ?

Амьдралын зорилго, ирээдүйн хүсэл мөрөөдлийг нь үгүй хийхдээ эцэг хүн та юу бодож байсан бэ? Өөрийн охиныг хайрлаагүй, хүндлээгүй та өрөөлийн охиныг хүндэлж чадах уу?

"Хүүхэд ургах ёстой цэцэг билээ"