• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

“Мэдээлэл, дүн шинжилгээнд тулгуурласан хууль сахиулах үйл ажиллагаа, олон улсын чиг хандлага” сэдэвт сургалт зохион байгуулагдаж байна

2019-10-09
“Мэдээлэл, дүн шинжилгээнд тулгуурласан хууль сахиулах үйл ажиллагаа, олон улсын чиг хандлага” сэдэвт сургалт зохион байгуулагдаж байна

Европын аюулгүй байдал, хамтын ажиллагааны байгууллагын үндэстэн дамнасан аюул заналхийлэлтэй тэмцэх газартай хамтран “Мэдээлэл, дүн шинжилгээнд тулгуурласан хууль сахиулах үйл ажиллагаа, олон улсын чиг хандлага” сэдэвт сургалт өнөөдөр /2019.10.09/ зохион байгуулагдаж байна.

Нээлтэд Цагдаагийн ерөнхий газрын тэргүүн дэд дарга, цагдаагийн хурандаа Р.Отгонжаргал, Мэдээлэл, дүн шинжилгээ, шуурхай удирдлагын албаны дарга, цагдаагийны хурандаа О.Зоригт, Соён гэгээрүүлэх, албаны сургалтын хэлтсийн дарга, цагдаагийн хурандаа Д.Долгорсүрэн, Гадаад харилцаа, хамтын ажиллагааны хэлтсийн дарга, цагаагийн хошууч, Х.Эрхэмээ, Европын аюулгүй байдал, хамтын ажиллагааны байгууллагын цагдаагийн асуудал хариуцсан мэргэжилтэн, Үндэстэн дамнасан аюул заналхийлэлтэй тэмцэх газрын Стратеги төлөвлөлтийн албаны дүн шинжилгээний зөвлөх ажилтан болон бусад албаны хүмүүс оролцлоо.

Энэхүү сургалтын үеэр Европын аюулгүй байдал, хамтын ажиллагааны байгууллагын бодлого болон Швед, Эстони, Серби улсын мэдээлэл, дүн шинжилгээнд тулгуурласан үйл ажиллагааны нөхцөл байдлын талаар туршлага судлах юм.

Сургалтад хамрагдаж байгаа алба хаагчдад амжилт хүсье.