• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Хууль зүй Дотоод хэргийн яамны харьяа байгууллагуудын нээлттэй өдөрлөг боллоо

2019-09-20
Хууль зүй Дотоод хэргийн яамны харьяа байгууллагуудын нээлттэй өдөрлөг боллоо

Монгол Улсын Ерөнхий сайдын 2019 оны 01 дүгээр албан даалгаврын хүрээнд Хууль зүй, дотоод хэргийн салбарын үйл ажиллагааг олон нийтэд сурталчлан таниулах, салбарын хэмжээнд хийгдсэн хөрөнгө оруулалт, бүтээн байгуулалтын төсөл арга хэмжээ болон үндсэн үйл ажиллагаа, үйлчилгээг хүртээмжтэй хүргэх зорилгоор нэг цэгийн үйлчилгээ үзүүлэх нээлттэй өдөрлөг /2019-09-19/ Сүхбаатарын талбайд боллоо.

Өдөрлөгийн нээлтэд Хууль зүй, дотоод хэргийн дэд сайд Г.Элбэгсайхан, Төрийн нарийн бичгийн дарга Г.Билгүүн, тус яамны газар, хэлтсийн дарга нар болон харьяа агентлаг, байгууллагын дарга удирдлагууд оролцлоо.

Цагдаагийн ерөнхий газар, Улсын Бүртгэлийн ерөнхий газар, ШШГЕГ, Хил хамгаалах байгууллага, Оюуны өмчийн газар, Гадаадын иргэн харьяатын газар, Хууль зүйн үндэсний хүрээлэн, Төрийн тусгай албан хаагчдын нэгдсэн эмнэлэг, Дотоод хэргийн их сургууль зэрэг тус яамны харьяа 12 агентлаг оролцож, иргэдэд хууль зүйн зөвлөгөө өгөх, бүх төрлийн өргөдөл мэдүүлэг гаргах, эрүүл мэндийн үйлчилгээ авах зэрэг 40 гаруй төрлийн үйлчилгээг нэг дороос үзүүлэв.

Энэ  өдөрлөгт Хууль зүй, дотоод хэргийн сайдын эрхлэх асуудлын хүрээний агентлаг, байгууллагууд оролцож, иргэдэд 40 гаруй төрлийн үйлчилгээг нэг дороос үзүүлж, үйл ажиллагаагаа танилцуулсан юм.  Цагдаагийн ерөнхий газрын энэхүү үйл ажиллагааны хүрээнд иргэдээс гомдол мэдээлэл хүлээж аван, ял шийтгэлтэй эсэх лавлагаа гаргаж өгч, цагдаагийн байгууллагын  үйл ажиллагаандаа нэвтрүүлж байгаа техник хэрэгсэл, тээврийн хэрэгслийн үзэсгэлэнг үзүүлж, эрэлч нохойн албаны үзүүлэх тоглолт үзүүллээ.  Бүртгэл хяналтын төвөөс жолооны үнэмлэх сэргээсэн, эрх сэргээх сургалт зохион байгуулан,  Тээврийн цагдаагийн албанаас автомашины үзүүлэх тоглолтыг үзүүлж, иргэдийн санал хүсэлтийг сонссон юм.