БНХАУ-ын Сычуань мужийн Чеэндү хотод 2019.08.08-18-ны өдрүүдэд Дэлхийн цагдаа, галын олимп “Нэг үүрэг, нэг мөрөөдөл” уриан дор зохион байгуулагдаж, 96 орны 9870 орчим тамирчид спортын 68 төрлөөр өрсөлдөж шилдгүүдээ тодрууллаа.

Энэхүү тэмцээнд Монгол улсын цагдаа, дотоодын цэргийн байгууллагыг төлөөлөн спортын 9 төрөлд 21 тамирчин оролцож алтан медаль-9, мөнгөн медаль-17, хүрэл медаль-4 хүртсэн амжилттай эх орондоо ирлээ.

Тус тэмцээнд амжилттай оролцсон алба хаагчдыг Цагдаагийн ерөнхий газрын дэд дарга, цагдаагийн хурандаа Ж.Болд, Захиргааны удирдлагын газрын дарга, цагдаагийн хурандаа Б.Бат-Өлзий нар хүлээн авч шагнал гардуулах ёслолын ажиллагаа өнөөдөр /2019.08.27/ Цагдаагийн ерөнхий газрын “Хүндэтгэлийн тэнхим”-д боллоо.

Дэлхийн “Цагдаа, галын олимп”-ийн тоглолтод амжилттай оролцсон тамирчдаас “Цагдаагийн гавьяа” тэмдгээр 1, “Дотоодын цэргийн алдар” тэмдгээр 5, “Спортын алдар” тэмдгээр 2, албан тушаалын сарын үндсэн цалингаар 14 алба хаагч тус тус шагнагдсан юм.

Монгол Улсын цагдаа, дотоодын цэргийн байгууллагыг төлөөлөн тэмцээнд амжилттай оролцсон тамирчдынхаа цаашдын ажил хөдөлмөр, спортод өндөр амжилт хүсье. 

Жүдо бөх: -81 кг жинд ТЦА-ы ТЗБХ-ийн дарга, цагдаагийн хурандаа, Самбо бөхийн ОУХМ, Д.Ганзориг мөнгөн медаль;

-70 кг жинд ЭХГ-ын эргүүл тусгай хамгаалалтын хэлтсийн офицер, цагдаагийн дэд хурандаа Х.Батхишиг алтан медаль;

-81 кг жинд “Хүч” спорт хорооны ахлах дасгалжуулагч, цагдаагийн дэслэгч, Самбо бөхийн ОУХМ Б.Баярмөнх хүрэл медаль;

-90 кг жинд ТЦА-ы ХУД дахь ЗЦХ-ийн зохицуулагч, цагдаагийн дэслэгч, жүдо бөхийн  спортын мастер, Д.Батжаргал мөнгөн медаль;

-100 кг жинд ТЦА-ы ХУД дахь ЗЦХ-ийн зохицуулагч, цагдаагийн дэслэгч, жүдо бөхийн  ОУХМ Б.Жанчивдорж мөнгөн медаль;

-60 кг жинд Дотоодын цэргийн 805 дугаар ангийн эргүүлчин, ахлах ахлагч самбо бөхийн ОУХМ С.Батгал алтан медаль;

-90 кг жинд Хэнтий аймгийн цагдаагийн газрын аж ахуйн офицер, цагдаагийн дэслэгч М.Гантогтох мөнгөн медаль;

81 кг жинд БЗД-ийн цагдаагийн гуравдугаар хэлтсийн Хэв журмын тасгийн дарга, цагдаагийн дэд хурандаа Г.Эрдэнэбаяр хүрэл медаль;

Жиу-житцу бөх: -70 кг жинд ЭХГ-ын эргүүл тусгай хамгаалалтын хэлтсийн офицер, цагдаагийн дэд хурандаа Х.Батхишиг алтан медаль;

-66 кг жинд Дотоодын цэргийн 805 дугаар ангийн эргүүлчин, ахлах ахлагч самбо бөхийн ОУХМ С.Батгал мөнгөн медаль;

-88 кг жинд “Хүч” спорт хорооны ахлах дасгалжуулагч, цагдаагийн дэслэгч, Самбо бөхийн ОУХМ Б.Баярмөнх хүрэл медаль;

-88 кг жинд ТЦА-ы ТЗБХ-ийн дарга, цагдаагийн хурандаа, Самбо бөхийн ОУХМ, Д.Ганзориг хүрэл медаль;

-90 кг жинд ТЦА-ы ХУД дахь ЗЦХ-ийн зохицуулагч, цагдаагийн дэслэгч жүдо бөхийн  спортын мастер, Д.Батжаргал 2 алтан медаль; /жиу-житцу, өмсгөлгүй/

-108 кг жинд ТЦА-ы ХУД дахь ЗЦХ-ийн зохицуулагч, цагдаагийн дэслэгч жүдо бөхийн  ОУХМ Б.Жанчивдорж мөнгөн медаль;

90 кг жинд Хэнтий аймгийн цагдаагийн газрын аж ахуйн офицер, цагдаагийн дэслэгч М.Гантогтох мөнгөн медаль;

+100 кг жинд ЭХГ-ын Шүүх, шүүгчийн аюулгүй байдлыг хангах хэлтcийн цагдаа, цагдаагийн ахлах ахлагч Н.Ганзориг мөнгөн медаль;

+50 насны ангилалд БЗД-ийн цагдаагийн гуравдугаар хэлтсийн Хэв журмын тасгийн дарга, цагдаагийн дэд хурандаа Г.Эрдэнэбаяр мөнгөн медаль;

Карате: -85 кг жинд Дотоодын цэргийн 809 дүгээр тусгай салбарын довтлогч, дэслэгч Б.Дарханбаяр мөнгөн медаль;

-88 кг жинд ЦЕГ-Тусгай ажиллагааны газрын бүлгийн ажилтан, цагдаагийн хошууч боксын спортын мастер Х.Баярмөнх мөнгөн медаль;

-90 кг жинд Баян-Өлгий аймаг дахь цагдаагийн газрын цагдаа, цагдаагийн дэд ахлагч Х.Бекнур алтан медаль;

Бокс: -85 кг жинд Дотоодын цэргийн 809 дүгээр тусгай салбарын довтлогч, дэслэгч Б.Дарханбаяр алтан медаль;

88 кг жинд ЦЕГ-Тусгай ажиллагааны газрын бүлгийн ажилтан, цагдаагийн хошууч боксын спортын мастер Х.Баярмөнх алтан медаль;

90 кг жинд Баян-Өлгий аймаг дахь цагдаагийн газрын цагдаа, цагдаагийн дэд ахлагч Х.Бекнур мөнгөн медаль;

Чөлөөт бөх: 74 кг жинд “Хүч” спорт хорооны дасгалжуулагч, цагдаагийн дэслэгч Б.Төмөрбаатар мөнгөн медаль;

78 кг жинд ТЦА-ы Төмөр зам дахь цагдаагийн газрын цагдаагийн ахлах дэслэгч О.Насанбурмаа алтан медаль;

+50 насны ангилалд БЗД-ийн цагдаагийн гуравдугаар хэлтсийн Хэв журмын тасгийн дарга, цагдаагийн дэд хурандаа Г.Эрдэнэбаяр алтан медаль;

Сонгомол бөх: БЗД-ийн цагдаагийн гуравдугаар хэлтсийн Хэв журмын тасгийн дарга, цагдаагийн дэд хурандаа Г.Эрдэнэбаяр мөнгөн медаль;

Push pull: +100 кг Говьсүмбэр аймаг дахь цагдаагийн хэлтсийн хэв журмын тасгийн дарга, цагдаагийн дэд хурандаа Д.Түмэнжаргал мөнгөн медаль;

Дартс: ХТТГ-ын ахлах мөрдөгч, цагдаагийн ахмад С.Мөнхжин шагналт дөрөвдүгээр байр;

Дорноговь аймаг дахь цагдаагийн хэлтсийн мөрдөн байцаах хэсгийн дарга Х.Хатанбаатар шагналт 8 дугаар байрт тус тус шалгарсан байна.