Цагдаагийн байгууллагаас зохион байгуулж буй “Орон нутгийн зам хөдөлгөөний соёл” урьдчилан сэргийлэх нэгдсэн арга хэмжээний хүрээнд өнөөдөр Цагдаагийн ерөнхий газар, “Оюу толгой” ХХК, “Мобиком Корпораци” ХХК хамтран Хамтын ажиллагааны санамж бичигт гарын үсэг зурах ёслолын арга хэмжээ өнөөдөр /2019.06.14/ боллоо.

Энэхүү арга хэмжээнд Цагдаагийн ерөнхий газрын тэргүүн дэд дарга, цагдаагийн хурандаа Р.Отгонжаргал, “Оюу толгой” ХХК-ий гүйцэтгэх захирал Армандо Торрес, Хамтын ажиллагаа, мэдээлэл харилцааны газрын ерөнхий менежер Ж.Сүнжидмаа, “Мобиком Корпораци” ХХК-ий ерөнхий захирал Тацуяа Хамада болон бусад албаны хүмүүс оролцов.

Санамж бичгийн хүрээнд талууд зам тээврийн ослоос урьдчилан сэргийлэх чиглэлээр олон талт ажил, арга хэмжээ зохион байгуулан ажиллах юм.