Цагдаагийн ерөнхий газрын Мэдээлэл, дүн шинжилгээ, шуурхай удирдлагын албаны Мэдээлэл, шуурхай удирдлагын төвөөс Улаанбаатар цагдаагийн хүрээ дэх албаны харьяа төв, хэлтэс, нэгжүүдийг хамарсан хөл бөмбөгийн тэмцээнийг энэ оны 6-р сарын 04-ний өдөр Нийслэлийн ерөнхий боловсролын 97-р сургуулийн талбайд зохион байгууллаа.

Тэмцээнд нийтдээ 11 баг оролцов. Энэхүү тэмцээний шилдэг хаалгачаар Баянзүрх дүүргийн багийн хаалгач, цагдаагийн ахлах ахлагч Б.Пунцагбалжир, шилдэг хамгаалагчаар Мэдээлэл, шуурхай удирдлагын төвийн багийн хамгаалагч, цагдаагийн ахлах ахлагч О.Ганзам, шилдэг довтлогчоор Хан-Уул дүүргийн багийн довтлогч цагдаагийн хошууч Э.Цэрэнбат нар шалгарсан байна.

Тэмцээний нийлбэр дүнгээр Тэргүүн байрт Мэдээлэл шуурхай удирдлагын төв, дэд байрт Хан-Уул дүүрэг,  гутгаар байрт Баянзүрх дүүргийн баг тамирчид тус тус шалгарч өргөмжлөл, шилжин явах цом, мөнгөн шагнал, дурсгалын зургаар шагнуулав.