• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

"Сүлд" чуулгын дарга, цагдаагийн хурандаа Л.Гаваасүрэн "Соёлын гавьяат зүтгэлтэн" цолоор шагнагдлаа

2019-02-03

Цагдаагийн ерөнхий газрын "Сүлд" чуулгын дарга, цагдаагийн хурандаа Л.Гаваасүрэн МУ-ын Ерөнхийлөгчийн зарлигаар "Соёлын гавьяат зүтгэлтэн" цолоор шагнагдлаа.  Хурандаа Л.Гаваасүрэн нь 1973 оноос эхлэн Улаанбаатар хотын Цагдан Сэргийлэх Газрын Эргүүлийн ротод цагдаагаар томилогдсоноос хойш өдгөө хүртэл үр бүтээлтэй ажиллаж байна

Цагдаагийн хурандаа  Л.Гаваасүрэн нь цагдаагийн байгууллагад хичээл зүтгэлээ дайчлан  ажиллахын зэрэгцээ уран зохиол, яруу найраг туурвин бүтээж, Цагдаагийн “Сүлд” чуулгыг  удирдан зохион байгуулж олон шилдэг залуу уран бүтээлчдийг төрүүлэн,  цагдаагийн болон урлагийн зорилгод үнэнчээр төлөвшүүлж, урам зориг өгч, амжилт гаргах бүхий л боломжоор хангаж ажилладаг цагдаагийн байгууллагын  шилдэг удирдлагуудын нэг юм.

 “Монгол Улсын Соёлын гавъяат зүтгэлтэн” цолоор шагнагдсан эрхэм хурандаа танд нийт бие бүрэлдэхүүний өмнөөс халуун баяр хүргэж байна.