• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Баянзүрх дүүрэг дэх цагдаагийн III хэлтэс камерын хяналтын төвтэй боллоо

2018-12-21
Баянзүрх дүүрэг дэх цагдаагийн III хэлтэс камерын хяналтын төвтэй боллоо

Нийслэлийн Баянзүрх дүүрэг дэх цагдаагийн гуравдугаар хэлтсийн Камерын хяналтын төвийн нээлт өнөөдөр /2018.12.21/ боллоо. 

Хүн ам олноор төвлөрсөн Баянзүрх дүүргийн есөн хороог хариуцан ажилладаг тус хэлтэс нь камерын хяналтын төвтэй болсноор гэмт хэрэг зөрчлөөс урьдчилан сэргийлэх, таслан зогсоох, шуурхай илрүүлэх зэрэг ач холбогдолтой юм. Шинээр суурилуулсан хяналтын камеруудыг өөр цэгт зөөвөрлөх, антенны чиглэлийг нь өөрчлөх боломжтой бөгөөд оптик шилэн кабельтай харьцуулахад өртөг хямд ухаалаг шийдэл болжээ.

Камерын хяналтын төвийн нээлтийн арга хэмжээнд Баянзүрх дүүргийн Засаг даргын үүрэг гүйцэтгэгч Т.Баясах, ИТХ-ын нарийн бичгийн дарга Г.Болормаа, ЦЕГ-ын Мэдээлэл дүн шинжилгээ, шуурхай удирдлагын албаны тасгийн дарга, цагдаагийн хошууч Н.Болор-Эрдэнэ нарын албаны хүмүүс хүрэлцэн ирж оролцлоо.