• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Цагдаагийн алба хаагчийн ноосон цамцны талаарх мэдээлэл, цэвэрлэх заавар

2018-12-04
Цагдаагийн алба хаагчийн ноосон цамцны талаарх мэдээлэл, цэвэрлэх заавар

Цагдаагийн ерөнхий газрын Санхүү аж ахуйн албанаас цагдаагийн алба хаагчийн ноосон цамцыг үйлдвэрлэх талаар судалгаа хийж үндэсний үйлдвэрлэгч “Монгол нэхмэл” ХХК, “Гламор” ХХК-иудаар нэхээс, ноосны холио, жингийн өөрчлөлттэй 8 төрлийн цамцны загвар гаргаж, эрүүлжүүлэх байр, эргүүл, жижүүрийн болон цагдаа-зохицуулагч 8 алба хаагчид туршилтаар 1 сарын хугацаанд өмсгөж хэрэглүүлэн туршиж үзсэн.

Тухайн алба хаагч, байгууллагын даргаас цамцны шинж чанарын талаар ирүүлсэн саналуудыг нэгтгэн алба хаагчийн биед эвтэйхэн, дулаан, харагдах үзэмж, чанар байдлыг сайжруулж, гүйцэтгэгчээр “Гламор” ХХК-ийг сонгон үйлдвэрлүүлжээ.

Энэхүү цамцыг хар хөх өнгөтэй S нэхээстэй, 10 хувийн суналттай хөвөн даавуун оруулгатай, 50 хувийн монгол хонины ноосон хольцтой, 2 давхар ээрмэл утсаар хагас так сүлжээсээр 7 гейч машинаар нэхэж хийсэн бөгөөд алба хаагчдад хангалт хийгдэж байна.
Жич: Цамцыг угааж цэвэрлэх зааврыг зурган мэдээллээс харна уу.

ЦЕГ-ЫН САНХҮҮ, АЖ АХУЙН АЛБА