• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Шилдэг “Шуурхай удирдлагын тасаг” өнөөдөр тодорно

2018-11-25
Шилдэг “Шуурхай удирдлагын тасаг” өнөөдөр тодорно

Нийслэлийн цагдаагийн газрын Удирдлага зохион байгуулалтын хэлтсээс санаачлан дүүргүүд дэх цагдаагийн хэлтсийн Шуурхай удирдлагын шилдэг тасаг шалгаруулах ажил мэргэжлийн анхдугаар уралдааныг өнөөдөр /2018.11.25/  "Сүлд" чуулгын Их танхимд зохион байгуулж байна.

Энэхүү уралдаанд нийслэлийн найман дүүрэг дэх цагдаагийн хэлтсийн Шуурхай удирдлагын тасгийн 16 баг мэдлэг, ур чадвараа сорин өрсөлдөж байгаа юм. Тэд мэндчилгээ болон албаны үйл ажиллагаатай холбоотой хууль, эрх зүйн актын хүрээнд боловсруулсан 5 үе шаттай даалгаврыг гүйцэтгэнэ. Мөн Шуурхай удирдлагын тасгийн дарга нар тодорхой сэдвийн хүрээнд эсээ бичиж удирдах албан тушаалтны мэдлэг, ур чадвараа сорих ажээ.

Уралдааны нээлтийн үйл ажиллагаанд Цагдаагийн ерөнхий газрын Дэд бөгөөд Нийслэлийн цагдаагийн газрын дарга, цагдаагийн хурандаа Д.Ядамдорж оролцож алба хаагчдад амжилт хүссэн юм. Уралдааныг зохион байгуулснаар алба хаагчдын ажил мэргэжил, албаараа бахархах үзлийг нэмэгдүүлэх төдийгүй тэдний мэдлэг, ур чадварыг дээшлүүлэхэд чухал нөлөөтэй гэдгийг зохион байгуулагчид онцолж байлаа.