Монгол Улсын гавьяат тамирчин, цагдаагийн байгууллагын ахмад ажилтан, цагдаагийн хошууч Р.Даваадалайн нэрэмжит самбо бөхийн өсвөр үеийн олон хотын аварга шалгаруулах тэмцээн энэ сарын 14-16-ны өдрүүдэд “Хүч” спорт хороо болон Спортын төв ордны А зааланд боллоо.

Тэмцээнд багийн дүнгээр:                                                                                 

1-р байрт Женко клуб - 86.5 оноо

2-р байрт Хаан хүнс дэвжээ – 24 оноо,

3-р байрт Шинэ бадрах дожо – 22.5 оноогоор тус тус шалгарчээ.

Харин тэмцээний шилдэг шүүгчээр Э.Намуун /Улсын шүүгч/, шилдэг эрэгтэй тамирчнаар “Хүч” спорт хорооны О.Эрдэнэбадрах, эмэгтэй тамирчнаар “Шинэ бадрах дожо”-ны Д.Сарантуяа шалгарсан.

Тэмцээний нээлтийн ёслолын үйл ажиллагаанд ЦЕГ-ын Тэргүүн дэд дарга, цагдаагийн хурандаа Р.Отгонжаргал, Захиргааны удирдлагын газрын дарга, цагдаагийн хурандаа Б.Бат-Өлзий, Жүдо бөхийн олимпийн хүрэл медальт, самбо бөхийн дэлхийн аварга, Монгол Улсын гавьяат тамирчин, цагдаагийн байгууллагын ахмад ажилтан, цагдаагийн хошууч Р.Даваадалай нарын хүндэт зочин, төлөөлөгчид оролцсон юм.