• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

“ГЭР БҮЛИЙН ХҮЧИРХИЙЛЛИЙГ БУУРУУЛЖ, ХҮҮХЭД ХАМГААЛЛЫГ САЙЖРУУЛАХАД ОЮУТАН ЗАЛУУСЫН ОРОЛЦОО“ СЭДЭВТ МЭТГЭЛЦЭЭН БОЛЛОО

2017-12-12
“ГЭР БҮЛИЙН ХҮЧИРХИЙЛЛИЙГ БУУРУУЛЖ, ХҮҮХЭД ХАМГААЛЛЫГ САЙЖРУУЛАХАД ОЮУТАН ЗАЛУУСЫН ОРОЛЦОО“ СЭДЭВТ МЭТГЭЛЦЭЭН БОЛЛОО

1991 онд НҮБ-ын Ерөнхий Ассемблейн шийдвэрээр 11 дүгээр сарын 25-ны өдрийг "Эмэгтэйчүүдийн эсрэг хүчирхийллийг таслан зогсоох олон улсын өдөр" болгон зарласан.

Энэ өдрийг тохиолдуулан Цагдаагийн байгууллагаас Засгийн газрын хэрэгжүүлэгч агентлаг Соёл урлагийн газар, Гэр бүл, хүүхэд, залуучуудын хөгжлийн газартай хамтран “Хайрла Хамгаал” үндэсний аяныг улсын хэмжээнд зохион байгуулан ажиллаж байна.

Аяны хүрээнд нийгмийн оюунлаг бүтээлч хэсэг болох оюутан залуусыг дэмжих, харилцан мэдээлэл солилцон хамтран хөгжих боломжийг олгох, нийгэмд тулгамдаж буй гэр бүлийн хүчирхийлэл, хүүхэд хамгааллын асуудлыг дэвшүүлэн тавьж шийдвэрлэх арга замыг хэлэлцэх, олон нийтэд хүргэх зорилготой их дээд сургуулийн оюутан залуучуудын дунд зохион байгууллаа.

 

Мэтгэлцээнд нийт 48 их дээд сургуулийн оюутан залуучууд “Гэр бүлийн хүчирхийллийг бууруулж –хүүхэд хамгаалалыг сайжруулахад оюутан залуусын оролцоо” сэдвийн хүрээнд гэр бүлийн хүчирхийлэлтэй тэмцэх, урьдчилан сэргийлэхэд хөршийн харилцаа нь цагдаагийн хяналтаас илүү чухал, хүүхэд алга болсон талаар олон нийтэд мэдээлэх нь олон нийтийг айдас хүйдэст автах үндсэн шалтгаан болдог гэсэн шийдлээр мэтгэлцсэн юм.

Аварга шалгаруулах сүүлийн шатанд МУИС, Отгонтэнгэр, Шихихутаг сургуулиуд шалгарч Нэгдүгээр байрыг МУИС-ийн Хууль зүйн сургуулийн баг эзэлж ЦЕГ-ын тэргүүн дэд дарга, цагдаагийн хурандаа Р.Отгонжаргал шагналт байр эзэлсэн хүүхдүүдэд өргөмжлөл, мөнгөн шагнал гардууллаа