• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

ДОТООДЫН ЦЭРГИЙН ТУХАЙ ХУУЛИЙН ЭХ БИЧВЭРИЙГ ХҮЛЭЭН АВАХ, ДОТООДЫН ЦЭРГИЙН БАЙЛДААНЫ ТУГИЙГ ЗАЛАХ ЁСЛОЛЫН АЖИЛЛАГАА БОЛЛОО

2017-10-27
ДОТООДЫН ЦЭРГИЙН ТУХАЙ ХУУЛИЙН ЭХ БИЧВЭРИЙГ ХҮЛЭЭН АВАХ, ДОТООДЫН ЦЭРГИЙН БАЙЛДААНЫ ТУГИЙГ ЗАЛАХ ЁСЛОЛЫН АЖИЛЛАГАА БОЛЛОО

ДОТООДЫН ЦЭРГИЙН ТУХАЙ ХУУЛИЙН ЭХ БИЧВЭРИЙГ ХҮЛЭЭН АВАХ, ДОТООДЫН ЦЭРГИЙН БАЙЛДААНЫ ТУГИЙГ ЗАЛАХ ЁСЛОЛЫН АЖИЛЛАГАА БОЛЛОО


2017-09-01-ээс Дотоодын цэргийн тухай хууль батлагдан хүчин төгөлдөр хэрэгжиж эхэлсэн. Үүнтэй холбоотой Дотоодын цэргийн тухай хуулийн эх бичвэрийг хүлээн авах, Дотоодын цэргийн байлдааны тугийг залах ёслолын ажиллагаа Цагдаагийн Ерөнхий газрын “Сүлд” чуулгын их танхимд 2017 оны 10-р сарын 27 ны 11.40 цагт боллоо. 
Энэхүү үйл ажиллагаанд Хууль зүй Дотоод хэргийн сайд Ц.Нямдорж, Цагдаагийн ерөнхий газрын дарга, цагдаагийн хурандаа С.Баатаржав, УИХ-ын Хууль зүйн байнгын хорооны төлөөлөл, ХЗДХЯ-ны газрын дарга болон мэргэжилтнүүд, харьяа агентлаг байгууллагын удирдлагууд, цагдаа, дотоодын цэргийн үе үеийн удирдлагууд, алба хаагч, ахмадуудын төлөөлөл оролцлоо.


ХЗДХ-ийн сайд Ц.Нямдорж үг хэлэхдээ “Дотоодын цэргийн хуулийг 1995 онд батлагдахад гар бие оролцож, Дотоодын цэргийг татан буулгахад сэтгэл шимшрэн сууж байсан үе надад бий. 2016 онд шинэ засаг байгуулагдсаны дараа Дотоодын цэргийн хуулийг УИХ-аар батлуулах ажлын хэсгийг ахалж, энэ хуулийг батлуулсан түүхтэй. Энэхүү ажилд гар бие оролцсон Хууль зүй, дотоод хэргийн яамныхан, өмнөх сайд, Засгийн газар болон бусад албаны хүмүүст чин сэтгэлээсээ талархаж байна. 1921 онд тасгийн хэлбэрээр байгуулагдсан Дотоодын цэрэг Монголын 90 жилийн хугацаанд хариуцсан үүргээ сайн биелүүлж, ирсэн нь цаашид энэ бүрэлдэхүүн байх ёстой гэдэг амьдралын шалгуурыг давлаа. Дотоодын цэрэг цаашид үйл ажиллагаа явуулахад нь Засгийн газрын гишүүнийхээ хувьд анхаарч, дэмжиж ажиллана гэдгээ онцолж хэлмээр байна” гэсэн юм.


Дотоодын цэргийн тухай хуулийг 2017 оны 02 дугаар сарын 09-ний өдөр батласнаар Монгол Улсын онцгой чухал обьектыг хамгаалах, аюулгүй байдлыг хангах үүрэгтэй Дотоодын цэргийг мэргэжлийн цомхон бүтэцтэйгээр дахин байгуулсан юм. Энэхүү дотоодын цэргийн анги нь дотоодын үймээн самуун, эмх замбараагүй байдал болон бусад аюул осол өргөжихөөс сэргийлэх, таслан зогсоох, иргэн, төрийн байгууллага, тэдгээрийн өмч хөрөнгө, объектын аюулгүй байдлыг хангахад чухал үүрэгтэй юм. Аюулгүй байдлыг хангах аливаа арга хэмжээнд дотоодын цэргийн албан хаагчид арга тактик болоод зохион байгуулалтын хувьд бэлтгэгдсэн, мэргэшсэн бүтэц, бүрэлдэхүүнтэйгээр оролцож шуурхай хариу арга хэмжээ авах юм.