ЦАГДААГИЙН АХМАД Т.ОТГОНЗАЯА ХҮРЭЛ МЕДАЛЬ ХҮРТЛЭЭ

Туркменистан улсын Ашгабат хотноо болж буй “Ашгабат 2017” Азийн танхимын болон тулааны спортын наадмаас ЦЕГ-ын Тусгай ажиллагааны газрын ажилтан, цагдаагийн ахмад Т.Отгонзаяа хүрэл медаль хүртжээ.

Тэрбээр тус наадмын Контакт жюү-жицүгийн 85 кг жинд хүрэл медалийн эзэн болж, төрийн далбаагаа мандуулсан байна.Тав дахь удаагаа зохион байгуулагдаж буй энэхүү наадамд  Азийн 63 орны тамирчид спортын 22 төрлөөр хурд, хүч, ур чадвараа сорьж байгаагаас Монгол Улсын баг спортын 12 төрөлд 64 тамирчны бүрэлдэхүүнтэй оролцож байгаа аж