100 жил
“БҮХ НИЙТЭЭР МОД ТАРИХ ҮНДЭСНИЙ ӨДӨР”-ӨӨР 3240 МОД, БУТ, СӨӨГ СУУЛГАЛАА
“БҮХ НИЙТЭЭР МОД ТАРИХ ҮНДЭСНИЙ ӨДӨР”-ӨӨР 3240 МОД, БУТ, СӨӨГ СУУЛГАЛАА
Өнөөдөр “Бүх нийтээр мод тарих үндэсний өдөр”. Энэ өдөр бүх нийтээр байгаль эхээ дээдлэх үзлийг түгээн дэлгэрүүлж, мод тарих, ногоожуулах хөдөлгөөнийг олон нийтийн үйлс болгон сурталчилдаг билээ.
“Бүх нийтээр мод тарих үндэсний өдөр”-өөр Хууль зүй, дотоод хэргийн сайд С.Бямбацогт болон Хууль зүй дотоод хэргийн сайдын эрхлэх асуудлын хүрээний агентлаг, байгууллагуудын удирдлага, алба хаагч, ажилтнууд Архивын ерөнхий газрын ногоон байгууламжид өнгө нэмэхээр мод, бут, сөөг суулгалаа.
Хууль зүй, дотоод хэргийн сайд С.Бямбацогт “Архивын ерөнхий газрын шинэ барилга ашиглалтад ороод нэг жил гаруй хугацаа өнгөрч байна. Энэ байгууллагынхаа тохижилтод хувь нэмэр оруулъя, зүлэгжүүлэх асуудлыг хууль сахиулах салбарынхан хамтдаа шийдье гэж зорьсон. Өнөөдөр Хууль зүй, дотоод хэргийн яамны харьяа 11 агентлагийн алба хаагч, ажилтнууд нийт 3240 мод, бут, сөөг тарилаа. Бид “Цэвэр агаар-нэг мод” ТББ-тай хамтран ажиллаж, тэднээс зөвлөмж, зааварчилгаа авсан. Мод тарихаас гадна ургуулж, арчлах асуудал чухал. Тиймээс өнөөдөр тарьсан моддын арчлалт, хамгаалалтын асуудлыг гурван жилийн хугацаанд энэ ТББ-ынхан маань хариуцана” гэлээ.
