100 жил
ЦЕГ-ЫН МЭДЭЭЛЭЛ НЭГТГЭН БОЛОВСРУУЛАХ ГАЗРЫН АЛБА ХААГЧИД 200 ШАР ХУАЙС МОД ТАРИЛАА
ЦЕГ-ЫН МЭДЭЭЛЭЛ НЭГТГЭН БОЛОВСРУУЛАХ ГАЗРЫН АЛБА ХААГЧИД 200 ШАР ХУАЙС МОД ТАРИЛАА
“Бүх нийтээр мод тарих үндэсний өдөр”-өөр Цагдаагийн ерөнхий газрын Мэдээлэл нэгтгэн боловсруулах газар, нийслэлийн дүүргүүд дэх цагдаагийн хэлтсийн мэдээлэл судалгааны ажилтан, алба хаагчид Чингэлтэй дүүргийн тэргүүний 74 дүгээр цэцэрлэгийн ногоон байгууламжид 200 шар хуайс мод суулгалаа.
ЦЕГ-ын Мэдээлэл нэгтгэн боловсруулах газраас цагдаагийн байгууллагад мэдээлэл, судалгааны алба үүсэж хөгжсөний 50 жилийн ойг угтан зохион байгуулах ажлуудаа цэцэрлэгийн ногоон байгууламжид өнгө нэмж, хүүхэд багачуудад цэвэр агаар бэлэглэх мод тарих ажлаар эхлүүлсэн юм.
Чингэлтэй дүүргийн тэргүүний 74 дүгээр цэцэрлэгийн эрхлэгч С.Оюунчимэг “Цагдаагийн ерөнхий газрын Мэдээлэл нэгтгэн боловсруулах газрын 40 гаруй алба хаагч, манай ажилчидтай хамт 200 шар хуайс модыг цэцэрлэгийн талбайд суулгаж байна. Хүүхэд багачуудад цэвэр агаар, хүчилтөрөгч бэлэглэж, хотынхоо хөгжил цэцэглэлтэд хувь нэмрээ оруулан, түүхэн ойнхоо хүрээнд мод тарьж буян үйлдэж байгаа цагдаагийн алба хаагчдадаа их баярлаж байна. Энэ бол манай цэцэрлэгт маш том хандив өргөсөн үйл ажиллагаа боллоо” гэлээ.
