100 жил
БАРУУН БҮСИЙНХЭН СУРГАЛТАД ХАМРАГДАЖ БАЙНА
БАРУУН БҮСИЙНХЭН СУРГАЛТАД ХАМРАГДАЖ БАЙНА
ЦЕГ-ын Мөрдөн байцаах албаны дэд даргын баталсан удирдамж, төлөвлөгөөний дагуу баруун бүсийн Цагдаагийн газар, хэлтсүүдийн Хэрэг бүртгэх, мөрдөн байцаах тасгийн дарга нар, мөрдөн байцаагч, эдийн засгийн төлөөлөгчдийн “Залилах, хөрөнгө завших, байгаль хамгаалах журмын эсрэг гэмт хэргийг мөрдөх ажиллагаа” сэдэвт сургалт Ховд аймаг дахь Цагдаагийн газарт болж байна.
Сургалтыг УЕПГ-ын Сургалт судалгааны төвийн сургагч багш, судлаач, доктор Б.Өнөрмаа, Байгаль хамгаалах журмын эсрэг гэмт хэрэг мөрдөх хэлтсийн ахлах мөрдөн байцаагч, цагдаагийн хошууч Г.Энх-Амгалан, Мөрдөн байцаах албаны залилах, хөрөнгө завших гэмт хэрэг мөрдөх хэлтсийн мөрдөн байцаагч, цагдаагийн ахмад Л.Цогтсайхан нар удирдан явуулна.
Сургалтын нээлтэд Ховд аймгийн Прокурор хууль цаазын итгэмжит зөвлөх Н.Доржсүрэн, Ховд аймаг дахь Цагдаагийн газрын дарга, цагдаагийн дэд хурандаа Д.Мөнхболд, дэд бөгөөд ЭЦТ-ийн дарга, цагдаагийн хошууч Н.Өлзийхутаг, баруун бүсийн Цагдаагийн газрын Хэрэг бүртгэх, мөрдөн байцаах тасгийн дарга нар, алба хаагчид оролцов.
