ОРОН НУТАГ ДАХЬ ЦАГДААГИЙН ГАЗАР, ХЭЛТСИЙН СУРГАГЧ АХЛАГЧ НАРЫГ БЭЛТГЭВ

2017-04-11 00:00:00

2005

Цагдаагийн албаны тухай хууль /шинэчилсэн найруулга/-ийн хэрэгжилтийг хангах ажлын хүрээнд Сургагч ахлагчийг бэлтгэх, чадавхижуулах хоёр дахь удаагийн сургалтыг орон нутаг дахь цагдаагийн газар, хэлтсүүдээс шалгарсан алба хаагчдад явууллаа.

Цагдаагийн ерөнхий газрын Сургалтын нэгдсэн төвд явуулсан вакумжуулсан сургалтад Мөрдөн байцаах газрын нэг, аймгууд дахь цагдаагийн газар, хэлтсийн 21 нийт 22 алба хаагч хамрагдсан юм.
Сургалтаар алба хаагчдын мэдлэгийг дээшлүүлэхээс гадна тэдний бие бялдарыг хөгжүүлэх, бие хамгаалах, албаны бэлэн байдал, галт зэвсэг, тусгай хэрэгсэл хэрэглэх, хүндрүүлсэн нөхцөл байдалд үүрэг гүйцэтгэх сэтгэл зүйн бэлтгэл, гараг, эрхсийн баримжаагаар зүг чиг, цагийн баримжаа тогтоох зэрэг дадлага, сургалтыг шөнийн цагаар тусгай хөтөлбөрийн дагуу зохион байгуулсан нь онцлогтой.

Сургалтын хүрээнд Зэвсэгт хүчний жанжин штаб, Монголын Хүний нөөцийн институт, "Хувь хүний хөгжлийн институт" ТББ, Монголын Лектор төв, ШУТИС-ийн Бизнес хүмүүнлэгийн ухааны сургууль, "Жи Би Эм Сошиал Ресерч Консалтинг" ХХК зэрэг байгууллагатай хамтран ажиллажээ. Түүнчлэн Хууль сахиулахын их сургуулийн Хүндэт доктор, хошууч генерал Ч.Амарболд, Зэвсэгт хүчний Жанжин штабын тэргүүн ахлагч Д.Оюунболд, Н.Энхбаяр нар "Ахлагч бүрэлдэхүүний цагдаагийн албанд эзлэх байр суурь", "Монгол Улсын Зэвсэгт хүчний Ахлагчийн алба" зэрэг сонирхолтой сэдвүүдээр хичээл зааж, ярилцлага өрнүүллээ.

Сургалтын төгсөлтийн арга хэмжээнд Цагдаагийн ерөнхий газрын Захиргааны удирдлагын газрын дарга, цагдаагийн хурандаа П.Оростогоо, Хүний нөөц, сургалтын хэлтсийн дарга, цагдаагийн хурандаа Ц.Намсрайжав, Зохион байгуулалтын хэлтсийн дарга, цагдаагийн дэд хурандаа Д.Лхагва-Очир, Сургалтын нэгдсэн төвийн дарга, цагдаагийн хурандаа Б.Цогтбаяр болон 14 аймаг дахь цагдаагийн газар, хэлтсийн дарга нар оролцов.

ШИНЭ МЭДЭЭ