100 жил
ОЛОН НИЙТ ЦАГДААГИЙН ХАМТЫН АЖИЛЛАГААНЫ ТӨВИЙН АЛБА ХААГЧИД ОРОН НУТАГТ АЖИЛЛАЖЭЭ
Энэ сарын 12, 13-ны өдрүүдэд Дорноговь аймаг дахь Цагдаагийн газар, Замын-Үүд сум дахь Сум дундын цагдаагийн хэлтсээс, энэ сарын 19-нд Хэнтий аймаг дахь Цагдаагийн газраас зохион байгуулсан 2016 оны үйл ажиллагаагаа иргэд, олон нийтэд тайлагнах арга хэмжээнд оролцжээ. Энэ үеэр 890 гаруй иргэнд Олон нийт-цагдаагийн хамтын ажиллагааны чиглэлээр яриа таниулга хийж, урлагийн хэсэгчилсэн тоглолт толилуулан, 200 орчим иргэнээс санал асуулга авч, гэмт хэрэг, зөрчлөөс урьдчилан сэргийлэх санамж, сэрэмжлүүлэг, уриалга бүхий 900 зурагт хуудас, 17 төрлийн видео шторкийг олон нийтэд хүргэж ажилласан байна.
Мөн энэ сарын 26, 27-ны өдрүүдэд Сэлэнгэ аймгийн Хөтөл, Номгон суман “Сүлд” чуулгын дуучин, цагдаагийн ахлах ахлагч Г.Дарханбаатарын “Жаргалын цэцэг” уран бүтээлийн тайлан тоглолт болон цагдаагийн байгууллагын үйл ажиллагааг сурталчлах арга хэмжээг амжилттай зохион байгуулаад ирлээ гэж Олон нийт цагдаагийн хамтын ажиллагааны төвөөс мэдээллээ.
