ТАНГАРАГИЙН ХУУДСАНД ЗУРСАН ГАРЫН ҮСЭГ ЧИНЬ ТОДХОН ҮЛДЛЭЭ

Өвөрхангай аймгийн Есөнзүйл сумын “Нэгдүгээр” багийн нутаг “Улаан хад” гэх газарт тус сумын хэсгийн цагдаа, цагдаагийн дэд ахлагч Ц.Буянжаргал албан үүргээ гүйтцэтгэж байгаад амь насаа алдсан.
Цагдаагийн Ерөнхий газрын даргын зөвлөл, Өвөрхангай аймаг дахь цагдаагийн газрын алба хаагч нар мөрдөс нэгт нөхрөө сүүлчийн замд нь үдэх ёслолын үйл ажиллагааг ёслол төгөлдөр зохион байгууллаа. Урь анхилсан хаврын эхэн сард хайртай хүүгээ, дүүгээ, ахыгаа, анд нөхрөө цаг бусаар алсын замд үднэ гэдэг дэндүү уйтгартай байлаа. Цэл залуухан дэд ахлагч ирээдүйн зүг гэгээн бодол тээж тэмүүлэх их замын эхнээс ийнхүү буцав.
Арвайхээрийн дунд сургуулиас цагдаагийн алба хаагч болно гэсэн мөрөөдөлтэй төгссөн жаалхүү эрийн цээнд хүрч, Хууль сахиулахын Их сургуулийн ахлагчийн сургуульд амжилттай суралцаж төгсөөд, нутагтаа томилолт өвөртлөн ирж, Өлзийт сумын цагдаа, Монгол банкны цагдаагаар ажиллаж байгаад ийнхүү Есөнзүйл суманд ажиллах болжээ.
Тангараг өргөхдөө зурсан гарын үсэгний бэх хатаагүй шахам цөөхөн он жилүүдийг ардаа үдэж байгаад ийнхүү гэмт этгээдийн гарт халуун амиа алдаж, залуу насаа үдсэн хайран хүүгийн төлөө харамсаад баршгүй. Зулын гэрэл сүүмэлзэж, зуурхан он цагийг хамдаа үдсэн мөрдөс нэгт нөхөд нь сүүлчийн замд үдэх ёслолын жагсаалд бэлхэн зогссон энэ өдөр тэнгэр хүртэл уйлагнах нь эрэлхэг хөвгүүнийг хөх тэнгэр ч үл мартана.

Гэргийн гараас цай амсаж,гэрэлт орчлонд амьдарсны утга төгөлдөр хөөрхөн хүүгээ гар дээр өргөн эрхлүүлж амжилгүй, төрүүлж өсгөсөн ээж аавынхаа төөрөг тавиланд гуниг хуруулан буруу гартны ирт мэсэнд амиа алдсан н хүүгээ үеийн үед бид дурсах болно.
Арвайхээрийн тэнгэрт бороо зүсэрч байгаа ч Монголын цагдаагийн хүч сүрийг илтгэх ЦАГААН ШОНХОР-ын хурц хараанаас гэмт хэрэгтэн бүр бултах газаргүй
УМ САЙН АМГАЛАН БАЙХ БОЛТУГАЙ.