• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

СОНГИНОХАЙРХАН ДҮҮРЭГ ДЭХ ЦАГДААГИЙН ХОЁРДУГААР ХЭЛТСЭЭС МЭДЭЭЛЖ БАЙНА

2016-01-19
СОНГИНОХАЙРХАН ДҮҮРЭГ ДЭХ ЦАГДААГИЙН ХОЁРДУГААР ХЭЛТСЭЭС МЭДЭЭЛЖ БАЙНА

Сонгинохайрхан дүүрэг дэх Цагдаагийн хоёрдугаар хэлтсээс цагдаагийн байгууллагын ажил үйлчилгээг иргэдэд үзүүлэхдээ тохь тухтай, түргэн шуурхай, чирэгдэлгүй үйлчлэхийг эрхэм болгон ажиллаж байна.

Тус хэлтэс нь иргэд хүлээн авах хүлээлгийн танхимд цагдаагийн байгууллага болон Хууль зүйн яамны харьяа байгууллагуудын талаарх танилцуулга, бусад шаардлагатай мэдээллийг түргэн шуурхай авах боломж бүхий дэлгэцийг байрлуулж өгснөөрөө иргэдийн талархлыг хүлээгээд буй.

 

Мөн жижүүрийн албыг иргэдэд түргэн, шуурхай, хүртээмжтэй хүргэх зорилгоор тухайн албаны өрөөг тохижуулж, иргэдэд зөвлөгөө, мэдээлэл өгөх алба хаагчыг тусгайлан томилсноор алба хаагчдын ажлын ачаалал болоод гэмт хэрэг, зөрчлийн дуудлага, мэдээллийг цаг алдалгүй шалгаж, бүртгэх нөхцөл бололцоог бүрдүүлээд байна.

Гэмт хэрэг, зөрчлөөс урьдчилан сэргийлэх ажлын хүрээнд хил залгаа дүүргүүд дэх цагдаагийн хэлтсүүдтэй хамтран эргүүлийн ажил үйлчилгээг эрчимжүүлж, дурангийн эргүүл, нохойт эргүүлийг тогтмол ажиллуулж байгаа нь үр дүнтэй ажлуудынх нь нэгээхэн хэсэг юм.