• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

"ЦАГДАА" ЭМХТГЭЛИЙН 2-Р УЛИРЛЫН ДУГААР АЛБА ХААГЧ НАРТ ХҮРЛЭЭ.

2015-09-03

"ЦАГДАА" ЭМХТГЭЛИЙН 2-Р УЛИРЛЫН ДУГААР АЛБА ХААГЧ НАРТ ХҮРЛЭЭ.

Эх орныхоо дөрвөн зүг найман зовхист ард иргэдийнхээ амар амгалангийн манаанд зогсож , өргөсөн тангарагтаа үнэнчээр ажиллаж байгаа алба хаагчдынхаа амрыг эрье.
Цагдаагийн байгууллагын үйл ажиллагааны хүрээнд хийгдсэн томоохон ажлуудыг тоймлон хүргэдэг “Цагдаа” эмхтгэлийнхээ 2015 оны 2-р улирлын дугаарыг та бүхэндээ хүргэж байна.

Энэ удаагийн дугаараар бид албаны онцлох мэдээ мэдээллүүд, Монгол улсад удахгүй Европын аюулгүй байдал, хамтын ажиллагааны байгууллагын парламентын ассамблей, 2016 онд АСЕМын хурлын бэлтгэл ажил хэрхэн явагдаж байгаа, Тулгар төрийн 2224 жил, Их монгол улс байгуулагдсны 809, Ардын хувьсгалын 94-н жилийн ой, Үндэсний их баяр наадмын хэв журмын хамгаалалт, “Цагдаагийн алба хаагчдын өдөр”-т зориулсан ёслолын үйл ажиллагааны хүрээнд зохион байгуулагдсан урлаг соёл, хүндэтгэл ёслолын үйл ажиллагаанаас хийсэн сурвалжлагыг бэлтгэн нийтлэлээ.

Дугаарын зочноор Цагдаагийн Ерөнхий газрын дарга, Тэргүүн комиссар Р.Чингис уригдаж, цагдаагийн байгууллагын эрх зүйн шинэчлэлийн хүрээнд хийгдэж байгаа ажлууд, бодлого шийдвэрийн тухай ярилцлага өглөө. “Албаны бахархал” булангаараа бид цагдаагийн байгууллагын “Улаан туг”-ны үүсэл гарлыг , “Харих болоогүй аавууд” булангаараа Тусгай ажиллагааны газрын бүлгийн дарга, цагдаагийн хошууч Д. Жаргалсайханы ярилцлага, “Онцлох үйл явдал” булангаараа Баян-Өлгий аймгийн цагдаагийн байгууллагын 75-н жилийн ой, “Уран зохиол” булангаараа МЗЭ-ийн шагналт яруу найрагч Б.Сарантуяагийн шүлэг найргаас тус тус хүргэж байна.

Улирал бүхэнд бэлтгэн хүргэдэг “Цагдаа” эмхтгэлийн шинэ дугаар бүр алба хаагч та бүхний хичээл зүтгэл, хийж бүтээсэн бүхнээр бүтдэг болохоор ажил үүргээ нэр төртэй биелүүлж байгаа алба хаагч та бүхэндээ ажлын амжилт хүсье