Монгол түмний уламжлалт сар шинийн баярыг тохиолдуулан хууль, эрх зүйн салбарт олон жил үр бүтээлтэй ажилласан 8 хүнийг сар шинийн босгон дээр Монгол Улсын төрийн одон, медалиар шагналаа.

Энэ сарын 11 өдрийн Монгол улсын ерөнхийлөгчийн зарлигаар Хил хамгаалах ерөнхий газрын Шуурхай жижүүрлэлт, дүн шинжилгээний албаны дарга, ахлах мэргэжилтэн Чагцалын Дашням, Цагдаагийн ерөнхий газрын санхүү хангамжийн газрын ахмадын зөвлөлийн дарга Шаравын Дамдинсүрэн, Сүхбаатар дүүргийн цагдаагийн 2-р хэлтсийн дарга Лхамжавын Ганболд нар Цэргийн гавьяаны улаан тугийн одонгоор шагнуулсныг Хууль зүйн яамны дэд сайд Ц.Уугангэрэл гардуулан өглөө. Мөн Шүүхийн шийдвэр гүйцэтгэх ерөнхий газрын санхүү хөрөнгө оруулалт хариуцсан орлогч дарга Шонгоогийн Эрхэмбаяр Хөдөлмөрийн гавьяаны улаан тугийн одон, Цагдаагийн ерөнхий газрын Эрүүгийн цагдаагийн газрын хэлтсийн дарга Удамборын Жавхлансүрэн, Нийслэлийн цагдаагийн газрын хэлтсийн дарга Оросоогийн Нямгэрэл нар Цэргийн гавьяаны одонгоор, Цагдаагийн 805-р ангийн ахмад ажилтан Мандалын Баяндэлгэр Алтан гадас одонгоор, Улсын бүртгэлийн ерөнхий газрын улсын бүртгэгч Гантөмөрийн Цэцэгдулам Хөдөлмөрийн хүндэт медалиар тус тус шагнууллаа. Ерөнхийлөгчийн зарлигаар шагнагдсан дээрхи албан хаагчдад дэд сайд тэргүүтэй Хууль зүйн яамны удирдлагууд баяр хүргэж хүндэтгэл үзүүлсэн юм.