• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

“ЦАГДАА” СЭТГҮҮЛИЙН ШИНЭ ДУГААР ХЭВЛЭГДЭН ГАРЛАА

2018-05-04
“ЦАГДАА” СЭТГҮҮЛИЙН ШИНЭ ДУГААР ХЭВЛЭГДЭН ГАРЛАА

Цагдаа, дотоодын цэргийн байгууллагын үйл ажиллагааны талаар тоймлон хүргэдэг “ЦАГДАА” сэтгүүлийн шинэ дугаар хэвлэгдэн гарлаа. Энэ удаагийн  дугаартаа нэгдүгээр улиралд  зохион байгуулагдсан онцлог үйл явдлуудыг тоймлон хүргэж,  “Дугаарын зочин”-оор  Цагдаагийн ерөнхий газрын Захиргааны удирдлагын газрын дарга, цагдаагийн хурандаа Б.Бат-Өлзийтэй цагдаа, дотоодын цэргийн байгууллагын үйл ажиллагааны талаар  ярилцсан юм.

Үйл явдлын мэдээ сурвалжлагаараа цагдаа дотоодын цэргийн байгууллагын удирдах ажилтны сургалт зөвлөгөөнийн эргэн тойрон дахь мэдээллийг гэрэл зургийн хамт нийтлэн,  орон нутгийн цагдаа, дотоодын цэргийн байгууллагын онцлох  үйл ажиллагаа, “Хүч” спорт хорооны  дасгалжуулагчдын амжилт, ялалтын тухай нийтлэв.

“Цагдаагийн гавьяа” буландаа олон хүний амь насыг аварч, Монгол Улсын Ерөнхийлөгчийн зарлигаар “Шударга журам” медаль хүртсэн Сонгинохайрхан дүүрэг дэх  цагдаагийн I хэлтсийн хэсгийн байцаагч, цагдаагийн  ахмад Б.Батсумъяа, хэв журмын байцаагч, цагдаагийн дэслэгч Г.Эрдэнэбаяр нарыг онцолж, “Харих болоогүй аав” буландаа Баян-Өлгий аймаг дахь Цагдаагийн газрын Саатуулах байрны их эмч, цагдаагийн хошууч  Х.Нурбектэй ярилцан, “Ахмадын үг”  буландаа Цагдаагийн ерөнхий газрын Гадаад харилцааны хэлтсийн дарга асан, Монголын хамгийн анхны эмэгтэй хурандаа М.Хоролсүрэнг урьж цагдаагийн байгууллагын гадаад харилцааны хэлтэс байгуулагдан, ямар үе шаттайгаар хөгжсөн талаар хуучиллаа.

“Ахлагч бүрэлдэхүүн ярьж байна” буландаа Цагдаагийн ерөнхий газрын Автобазын цагдаагийн ахлах ахлагч Б.Пүрэвдорж,  Түүх-Архив буландаа Нийслэлийн цагдаагийн газрын үүсэл хөгжлийн талаар түүхэн баримтат зургийн хамт нийтлэн, “Соёл урлаг” буландаа сэтгүүлч Ц.Оюундарьтай уулзаж, ЦЕГ-ын дарга асан, хошууч генерал Б.Пүрэвийн ажил амьдралаар бүтээсэн баримтат киноны талаар “Генерал ПҮРЭВ хэмээх нэг хүний түүхээр нэгэн цаг үеийн Монголын төр, цагдаагийн байгууллага, Монгол улсын болон дэлхийн түүхийн нэгээхэн хэсгийг өгүүлэхийг зорьсон” ярилцлагыг хүргэв.