• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Г.Ганзориг: 2013-2016 онд цагдаагийн алба хаагчдыг шинэ дүрэмт хувцасаар хангах төлөвлөгөө гаргаад ажиллаж байна

2014-10-08

Цагдаагийн байгууллагын эрх зүйн шинэчлэлийн хүрээнд “Цагдаагийн алба хаагчдын хувцасны загвар, материалыг сайжруулан шинэчлэх тухай” Монгол Улсын Ерөнхийлөгчийн 2013 оны 9 дүгээр сарын 4-ний өдрийн 143 дугаар зарлигаар батлагдаж, Монгол Улсын Засгийн газрын 2001 оны 122 дугаар хавсралтанд нэмэлт өөрчлөлт оруулснаар цагдаагийн алба хаагчдын дүрэмт хувцас, хэрэглэл бэлтгэх ажлыг эхлүүлэн алба хаагчид эхний ээлжийн шинэ хувцсыг өмсөөд байгаа. Харин бусад хувцсыг алба хаагчдад хэзээ олгох талаар ЦЕГ-ын Санхүү Ар талын газрын хувцасны ахлах мэргэжилтэн, цагдаагийн дэд хурандаа Г.Ганзоригоос тодрууллаа.

- Нэмэлт өөрчлөлтөнд цагдаагийн алба хаагч яг хичнээн төрлийн хувцас хэрэглэлтэй байхаар оруулсан бэ?

Дээрх Засгийн газрын тогтоолтой холбогдуулан ЦЕГ-ын даргын 2014 оны 26 дугаар тушаалаар цагдаагийн алба хаагчдын дүрэмт хувцас, материал, хэрэглэл бэлтгэх гүйцэтгэгчийг сонгон шалгаруулах ажлын хэсэг томилогдон ажиллаж байна. 2014 онд цагдаагийн алба хаагчдад Монгол Улсын Ерөнхийлөгчийн батласан шинэ загварын 22 нэр төрлийн дүрэмт хувцас, материал, хэрэглэлийг бэлтгэх төсөв гаргаж ЦЕГ-ын даргаар батлуулсан.

- Хэзээ алба хаагчдыг шинэ хувцсаар хангаж дуусах вэ?

2013-2016 онд цагдаагийн алба хаагчдыг шинэ дүрэмт хувцасаар хангах төлөвлөгөө гараад ажиллаж байна. Дараагийн хувцаснуудыг цагдаагийн алба хаагчийн дүрэмт хувцсыг бэлтгэх гүйцэтгэгчийг сонгон шалгаруулах үнэлгээний хороогоор шалгаруулж, 2014 онд зуны хувцсаар, 2015 онд албаны дүрэмт хувцас, өвлийн хувцас, 2016 онд ёслолын хувцасаар хангах төлөвлөгөөтэй ажиллаж байна.

- Зуны хувцасны хангалтыг алба хаагчдад хэзээнээс олгох вэ?

Наадмын өмнө хэв журмын цагдаа, замын цагдаа нарыг поло малгай, гэрэл цацруулдаг хантааз, 2014 оны 8-н сардаа багтаад бүх алба хаагчдыг урт ханцуйтай цамц, дан өмдөөр хангана. Энэ жил дотоодын цэргээс шилжиж орж ирсэн болон шинээр томилогдсон 2000 алба хаагчдад эхний ээлжинд өвлийн хувцас олгож, бусад алба хаагчид ирэх өвөл хуучин хувцасаа өмсөх юм. Төсөв мөнгөний асуудалтай холбоотойгоор алба хаагчдыг үе шаттайгаар хувцсаар хангах ажлыг төлөвлөгөөний дагуу зохион байгуулж байна.

- Алба хаагч нарыг хэзээнээс агсамжаар хангах вэ?

Агсамжаар наадмын өмнө нийслэлийн алба хаагчдыг хангана. Үндэсний гурван компани үхрийн ширээр, шинэ загвараар үйлдвэрлэж бэлэн болгоод байгаа.

Б.Төгсжаргал