• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Мөрдөн байцаах албанаас мэдээлж байна

2019-02-04
Мөрдөн байцаах албанаас мэдээлж байна

Монгол улсын Их хурал, Засгийн газрын гишүүн, Хууль зүй, дотоод хэргийн сайд Ц.Нямдорж 2019 оны 02 дугаар сарын 04-ны өдөр Мөрдөн байцаах албаны алба хаагчидтай уулзалт хийж, сар шиний босгон дээр эрхэлсэн ажилдаа идэвхи зүтгэл гаргасан зарим алба хаагч нарт шагнал гардууллаа.

Энэхүү үйл ажиллагаанд Хууль зүй, дотоод хэргийн яамны Төрийн нарийн бичгийн дарга Г.Билгүүн, Цагдаагийн ерөнхий газрын дарга, дотоодын цэргийн командлагч, цагдаагийн хурандаа С.Баатаржав, Мөрдөн байцаах албаны дарга цагдаагийн хурандаа Д.Отгонжаргал болон  алба хаагчдын төлөөлөл оролцов.

Билгийн тооллын хаврын тэргүүн сарын сар шинийн баярыг тохиолдуулан хууль сахиулах салбарт эрхэлсэн ажилдаа идэвх зүтгэл, үр бүтээл гарган  ажилласан  Мөрдөн байцаах албаны Хулгайлах гэмт хэрэг мөрдөн шалгах хэлтсийн дарга, цагдаагийн хурандаа С.Амартүвшин, Хулгайлах  гэмт хэрэг мөрдөн шалгах  хэлтсийн ахлах мөрдөгч, цагдаагийн дэд хурандаа Б.Энхбат, Мөрдөн байцаах албаны Хүрээлэн буй орчны эсрэг  гэмт хэрэг мөрдөн шалгах хэлтсийн ахлах мөрдөгч, цагдаагийн хошууч Ш.Хуягбаатар нарыг Цэргийн хүндэт медалиар шагналаа.

“Хууль зүйн албаны тэргүүний ажилтан” тэмгдгээр Хулгайлах гэмт хэрэг мөрдөн шалгах хэлтсийн ахлах мөрдөгч, цагдаагийн хошууч П.Тулга, “Цагдаагийн алдар” тэмдгээр Хүрээлэн буй орчны эсрэг гэмт хэрэг мөрдөн шалгах хэлтсийн дарга, цагдаагийн дэд хурандаа П.Эрдэнэбилэг,  “Хүндэт жуух бичиг”- ээр Дүн шинжилгээ, үнэлгээ,хяналт шалгалтын хэлтсийн Уулзалт  байцаалтын хэсгийн цагдаа, цагдаагийн ахлах ахлагч Н.Гансүх нарыг тус тус шагнаж урамшууллаа.

Эрхэлсэн ажилдаа амжилт гарган, төр засгийн болон салбарын шагнал хүртсэн алба хаагч нартаа ажлын амжилт хүсэж байна.