• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

Хулгайлах гэмт хэрэг өнгөрсөн оны мөн үеэс 29.1 хувиар буурсан

2019-02-02
Хулгайлах гэмт хэрэг өнгөрсөн оны мөн үеэс 29.1 хувиар буурсан

Цагдаагийн ерөнхий газраас "Сар шинэ"-ийн баярыг тохиолдуулан гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах чиглэлээр зохион байгуулж буй ажил, арга хэмжээ болон баярын өдрүүдэд гэмт хэрэг, зөрчлөөс урьдчилан сэргийлэх, анхаарах асуудлын талаар сэтгүүлчдэд мэдээлэл өглөө.

Улсын хэмжээнд 2019 оны 01 сарын 31-ний байдлаар 3827 гэмт хэрэг бүртгэгдсэн нь өнгөрсөн оны мөн үеэс 192 нэгж буюу 4.8 хувиар буурсан үзүүлэлттэй байна.

Цагдаагийн ерөнхий газраас зохион байгуулж буй "Хулгайн гэмт хэргийг таслан зогсооё" аян, “Сар шинэ-2019” нэгдсэн арга хэмжээний үр дүнд Хулгайлах гэмт хэрэг өнгөрсөн оны мөн үеэс 29.1 хувиар, Хүний эрүүл мэндийн халдашгүй байдлын эсрэг гэмт хэрэг 9.4 хувиар тус тус буурсан. Энэ нь  цагдаагийн байгууллагаас зохион байгуулж буй олон төрлийн арга хэмжээ, сэрэмжлүүлэг, иргэдийн урьдчилан сэргийлэх ажилд оролцож байгаа идэвх оролцоо, хууль сурталчлан таниулж буй хэвлэл мэдээллийн байгууллагуудын хамтын ажиллагааны үр дүн гэдгийг хэвлэлийн хуралд оролцогчид онцолсон юм.

Цагдаагийн байгууллагаас “Сар шинэ”-ийн баярын өдрүүдэд зохион байгуулагддаг Үндэсний бөхийн барилдаан, Гандантэгчилэн хийдэд сүсэгтэн олон цугларах, хурал номын ажлууд, иргэд нар харах үйл ажиллагаа зэрэг хүн ихээр цуглардаг газрууд болон авто замын хөдөлгөөнд хүч нэмэгдүүлсэн байдлаар хэв журмын хамгаалалт, зохицуулалтуудыг хийж ажиллах бөгөөд энэ шил “Сар шинэ”-ийн баяр олон хоног үргэлжлэх тул иргэд, олон нийт баярын өдрүүдэд архи, согтууруулах ундааг зөв зохистой хэрэглэх, хувийн эд зүйлдээ анхаарал болгоомжтой байх, хөдөлгөөнд оролцохдоо замын хөдөлгөөний дүрмээ барьж соёлтой оролцохыг уриалсан юм