• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

ЦАГДААГИЙН ГАЗРЫН "УРЛАГИЙН БАГА НААДАМ" БОЛЛОО

2017-04-25
ЦАГДААГИЙН ГАЗРЫН

ЦАГДААГИЙН ГАЗРЫН "УРЛАГИЙН БАГА НААДАМ" БОЛЛОО

Хэнтий аймаг дахь Цагдаагийн газраас алба хаагчдын авьяас чадварыг нээн хөгжүүлэх, чөлөөт цагийг зөв боловсон өнгөрүүлэх, цагдаагийн байгууллагын үйл ажиллагааг олон нийтэд сурталчлах зорилгоор "Урлагийн бага наадам"-ыг Хан Хэнтий чуулгад амжилттай зохион байгууллаа.

Уг наадамд төв орон нутгийн цагдаагийн хэлтэс, тасгийн есөн баг урлагийн есөн төрлөөр авьяас чадвараа сорин өрсөлдөж шилдгүүдээ тодруулав. Шилдэг багаар Эрүүгийн цагдаагийн тасгийн "Хас шонхор" баг тодорч өргөмжлөл, тойрон аяллын эрхийн бичгээр шагнууллаа. Харин дэд байрт Нийтийн хэв журам хамгаалах тасгийн "Вакцин" баг, гутгаар байрт Төлөвлөлт зохион байгуулалтын тасгийн "Хуулиа дээдэлье" баг, тусгай байрт Биндэр сум дахь Сум дундын цагдаагийн тасгийн "Биндэръяа" баг шалгарсан байна.

Тэмцээнд эзэлсэн байруудыг жагсаавал,

Язгуур урлагийн төрөлд

Нэгдүгээр байр-Төлөвлөлт зохион байгуулалтын тасгийн дарга, хошууч Т.Чинбаатар
Хоёрдугаар байр-Эрүүгийн цагдаагийн тасгийн хамтлаг
Гуравдугаар байр-Нийтийн хэв журам хамгаалах тасаг

Гоцлол буюу хамтлаг бүжгийн төрөлд

Нэгдүгээр байр-Нийтийн хэв журам хамгаалах тасгийн жижүүрийн офицер, ахлах дэслэгч Б.Энхбат
Хоёрдугаар байр- Биндэр сум дахь Сум дундын цагдаагийн тасгийн “Биндэръяа” баг,
Гуравдугаар байр-Эрүүгийн цагдаагийн тасгийн эрүүгийн төлөөлөгч, дэслэгч Б.Базаррагчаа

Уран уншлагын төрөлд

Нэгдүгээр байр-Төлөвлөлт зохион байгуулалтын тасгийн, үйлчлэгч Ж.Мөнгөнхүү
Хоёрдугаар байр-Нийтийн хэв журам хамгаалах тасгийн жижүүрийн офицер, ахмад Б.Хүрэлбаатар
Гуравдугаар байр-Бор-Өндөр сум дахь сум дундын цагдаагийн хэлтсийн нягтлан бодогч Цэцэгмаа

Гоцлол дууны төрөлд

Нэгдүгээр байр-Бор-Өндөр сум дахь Сум дундын цагдаагийн хэлтсийн цагдаа, дэд ахлагч Ц.Баярхүү
Хоёрдугаар байр-Төлөвлөлт зохион байгуулалтын тасгийн дарга, хошууч Т.Чинбаатар,
Гуравдугаар байр-Нийтийн хэв журам хамгаалах тасгийн цагдаа, дэд ахлагч Ч.Батмөнх

Гоцлол болон цөөхүүл, амьд хөгжмийн төрөлд

Нэгдүгээр байр-Эрүүгийн цагдаагийн тасгийн эрүүгийн ахлах төлөөлөгч ахмад Батжаргалын гэргий Саруул
Хоёрдугаар байр-Бор-Өндөр сум дахь Сум дундын цагдаагийн хэлтсийн Амьд хөгжмийн хамтлаг,
Гуравдугаар байр-Төлөвлөлт зохион байгуулалтын тасгийн ажилтан Эрдэнээгийн охин Э.Гэрэлмаа шалгарч цагдаагийн газрын даргын нэрэмжит шагналаар тус тус шагнууллаа.

Цагдаагийн газрын дарга, цагдаагийн хурандаа О.Ганбат тэмцээнийг хааж хэлсэн үгэндээ "Энэ удаагийн урлагийн наадам алба хаагчдынхаа гэр бүлийг оролцуулж өргөн хүрээг хамарсан нь онцлог байлаа. Цаашид цагдаагийн байгууллагаас иргэд олон нийтэд чиглэсэн үйл ажиллагаанд өнөөдөр шалгарсан шилдэг номерууд оролцох болно" хэмээн хэлэв.