• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

СОНГИНОХАЙРХАН ДҮҮРГИЙН ЦАГДААГИЙН 2-Р ХЭЛТСЭЭС МЭДЭЭЛЖ БАЙНА

2016-04-01
СОНГИНОХАЙРХАН ДҮҮРГИЙН ЦАГДААГИЙН 2-Р ХЭЛТСЭЭС МЭДЭЭЛЖ БАЙНА

СОНГИНОХАЙРХАН ДҮҮРГИЙН ЦАГДААГИЙН 2-Р ХЭЛТСЭЭС МЭДЭЭЛЖ БАЙНА

 

Сонгинохайрхан дүүргийн цагдаагийн 2-р хэлтсээс сурвалжлага бэлтгэхээр очлоо.  Өөдлөх айл үүднээсээ гэдэг. Жижүүрийн цагдаа танд юугаар туслах вэ гэж угтлаа.  Тус хэлтэст очиход  жижүүрийн цагдаа нь угтаж аваад заавар зөвлөгөө өгч, өргөдөл гомдлоо бичээд жижүүрийн офицертой тухлаж суугаад ярих өрөөтэй юм байна. Нэг үгээр хэлвэл жижүүрийн өрөөний зохион байгуулалт нь иргэдэд илүү ойртсон, тэднийг удаан сонсох, уур бухимдлыг нь эерүүлэх боломж олгосноороо онцлогтой.

Саяхан тус хэлтсийн нутаг дэвсгэр дээр үйлдэгдсэн хүүхэд нохойд хазуулж амь насаа алдсан гэмт хэргийн талаар тодруулахаар дуу хураагуураа бариад байцаагчийн өрөөг заалгаад очлоо. Байцаагч тун завгүй байна. Учир явдлаа хэлэхэд төдийлөн цааргалсангүй. Байцаагдаж байгаа хүнийхээ дараа зураглаач бид хоёрыг орохыг зөвшөөрлөө. Ороод очтол бидний тодруулах гэсэн хэргийн талаар шалгалтын ажиллагаа явагдаж байгаа, ийм үйл явдал болсон нь үнэн, нохойг тусгаарлаж шинжилгээ авсан, одоо хариуг нь хүлээж байна, эзэнд нь эрүүгийн хуулийн 201.2 т зааснаар эрүү үүсгэн шалгаж байгаа тухай хэллээ. Мэдээж илүү тодруулж асуумаар зүйл, ар гэрийнхэнтэй нь уулзах хүсэлт тавьсан ч үүнээс илүү мэдээлэл өгөх боломжгүй гэж хэллээ. Харин тус цагдаагийн хэлтсийн мөрдөн байцаагч нарын өрөө бүхэн дуу дүрсний бичлэг зэрэг хийдэг хүчин чадалтай юм байна. Сүүлийн үед мөрдөн байцаагч нарыг гүтгэх, доромжлох, иргэн цагдаа хоёрын хооронд элдэв маргаан яригдах болсон. Энэ бүхнийг үнэн мөнийг нотлох зорилгоор энэхүү камеруудыг байрлуулсан нь үр дүнтэй байна.

Нэгэнт Баянхошуунд очсоны хэрэг юусан билээ энэ орчмын гэмт хэргийн нөхцөл байдал, урьдчилан сэргийлэх ажил хэрхэн зохион байгуулж байгаа талаар хэлтсийн дарга цагдаагийн хурандаа Т.Оюунбаатартай уулзахаар бичиг хэргийн эрхлэгчээс нь зөвшөөрөл аваад орлоо.Түүнийг  маш сайн уншигч гэж цагдаагийн алба хаагч нар ярьдаг. Олон сонирхолтой номнууд ширээн дээр нь  байна. Нэгд нэгэнгүй уншиж тэмдэглэл хөтөлсөн нь сонирхолтой санагдлаа.

Өнгөрсөн сард хэлтсийнхээ нутаг дэвсгэр дахь сургуулийн сурагчдын дунд “Хүүхэд-хууль” сэдэвт жүжигчилсэн болон хууль эрх зүйн чиглэлээр тэмцээнийг төгсөх ангийн сурагчдын дунд зохион байгуулжээ. Мөн ахлах ангийн 110 сурагчдад гэмт хэрэг зөрчлөөс урьдчилан сэргийлэх, замын хөдөлгөөний аюулгүй байдал, хүүхэд гэр бүл, хүчирхийллийн эсрэг гэмт хэргээс урьдчилан сэргийлэх чиглэлээр яриа таниулга хийсэн байна. Долоо хоног бүрийн криминлоги судалгааг үндэслэн нөхцөл байдал хүндэрсэн хороод болон бусад гэмт хэрэг зөрчлөөс урьдчилан сэргийлэх чиглэлээр аж ахуйн нэгж байгууллагуудыг татан оролцуулан  бүх нийтийн эргүүл зохион байгуулжээ.

Нийтийн хэв журам хамгаалах тасгийн хэсгийн байцаагч  нар “Кристина нобелийн хүүхдийн сан” Төрийн бус байгууллагатай хамтран  гэр бүл хүчирхийлэл үйлдэгч нарын судалгаанд хамрагдсан болон үйлдэгч нарт хандсан  “Өөрчлөлтийг өөрөөсөө эхэлье” урьдчилан сэргийлэх чиглэлийн яриа хэлэлцүүлэг хийсэн гээд товчхондоо ийм.

 Нутаг дэвсгэрийн хувьд ажилгүйдэл архидалт өндөртэй, хулгай дээрмийн гэмт хэрэг ихээхэн үйлдэгддэг  онцлогтой тус хэлтсийн ажил амьдрал, онцлог хэрэг зөрчил, он гараад зохион байгуулсан урьдчилан сэргийлэх ажлуудынх нь талаар  цомхон сурвалжлага хүргэхэд ийм байна.

АМАР ТАЙВАН АМЬДРАЛЫН ТӨЛӨӨ ХАМТДАА